Նվերներ նրանց համար, ովքեր ոչինչ չեն ուզում
Բոլորիս շրջապատում էլ կա մեկը ում անհնար է ինչ-որ բան նվիրել, ինչի կարիքը նա իրոք ունի։ Անգամ եթե ուղիղ հարցնենք, թե ինչ կուզենար նվեր ստանալ, միևնույն է, չէինք ստանա պատասխան, քանի որ նա ինքն էլ չգիտի՝ ինչ կուզենար ունենալ։ Հարց է առաջանում․ ի՞նչ անել, ինչպե՞ս զարմացնել կամ ուրախացնել մայրիկին՝ ով ասում է, որ ոչնչի կարիք չունի, կամ լավագույն ընկերոջը՝ ով ապրում է «եկա, տեսա, գնեցի» բանաձևով։
Ձեզ պետք է միայն լինել համբերատար և գործի դնել Ձեր ստեղծարարությունն ու հումորը։ Մենք փորձել ենք ստեղծել հավաքածու՝ բոլոր յուրահատուկ նվերների, որոնք կարող եք նվիրել այն մարդկանց ովքեր ամեն ինչ ունեն՝ օգտակար ապրանքներից մինչև հումորային ու ստեղծագործ նվերներ։
Գնացինք․․․․
Բուրավետ մոմ
Դուք չեք կարող սխալվել բուրավետ մոմ գնելիս, քանի որ անուշ բույրեր բոլորն էլ սիրում են։ Ավելին, դրանք ունեն հանգստացնող բնույթ, տալիս են հարմարավետության զգացողություն։ Հատկապես այս անուշաբույր մոմը՝ պատրաստված էկո պարաֆինից, կարող է դառնալ նաև տան դեկորի մի մաս։
Մատուցման սկուտեղ
Այն մարդկանց, ովքեր սիրում են համեղ միջուտեստներ վերցնել և տեղավորվել հարմար բազմոցին ֆիլմ դիտել։ Նրանք գուցե երբևէ չեն մտածել, թե սնունդն ինչքան հետաքրքիր կլիներ, եթե այն դասավորված լիներ հարմար սկուտեղում, ու ավելի էսթետիկ կդարձներ այն։ Մեկ այլ տարբերակ ֆունկցիոնալ տարաներն են այն մարդկանց համար, ովքեր սիրում են տարբեր համեղություններ և դիտում ֆիլմեր ու սիրելի հաղորդումները հեռախոսի էկրանով։
Փազլ լուսամփոփ
Լուսամփոփը պատկանում է անհրաժեշտ իրերի ցանկին, բայց երբ այն խաղային ու հետաքրքիր է, ապա նվերն ավելի տպավորիչ է։ Օրինակ՝ հիշո՞ւմ եք հայտնի տետրիս խաղը, երբ պատահական ֆիգուրները վերևից ընկնում էին ուղղանկյուն բաժակի մեջ, իսկ խաղացողը կարող էր պտտել և շարժել ֆիգուրները հորիզոնական ուղղությամբ։ Ո՞վ կմտածեր, որ այն կարելի է ամեն օր իր պատկերը փոփոխող լամպի վերածվել։ Ի՞նչ կասեք նոր լուծումներով այս տետրիսի մասին, որը միաժամանակ նաև լուսամփոփ է՝ բաղկացած 7 տարբեր գույների տետրոմինոներից:
Ամեն օր հնարավորություն տվեք ստեղծել հետաքրքիր և նոր պատկերներ. այստեղ երևակայությունն անսպառ է, իսկ LED լույսերը կգեղեցկացնեն և նոր շունչ կհաղորդեն միջավայրին
Զվարճալի օճառաման
Զվարճալի իրերը նվերներն ավելի հետաքրքիր են դարձնում, և ուրախացնում են և՛ ստացողին, և՛ նվիրողին, և՛ շրջապատող մարդկանց։ Օրինակ՝ այս զվարճալի օճառամանը բացի իր նպատակին ծառայելուց, նաև երկար կհիշեցնի նվիրողի մասին և կզվարճացնի հյուրերին՝ որպես տան հետաքրքիր իր։
Գիրք
Գրքերը միշտ եղել են այն լավագույն նվերների շարքից, որոնք երբեք շատ չեն լինում։ Անգամ այն մարդիկ, ովքեր ունեն ամեն ինչ, հաստատ չեն հասցրել կարդալ աշխարհի բոլոր գրքերը։ Նվիրեք գիրք, սովորեցրեք նոր հմտություն, մոտիվացրեք, հուզեք, ոգեշնչեք լավագույն գրքերով։
Նվեր քարտ
Նվեր քարտերը շարունակում են մնալ ամենաակտուալ նվերների շարքից։ Եթե չեք կողմնորոշվում, թե ինչ նվիրել, ապա դրանք լավագույն տարբերակն են նվերը պիտանելի դարձնելու։ Միևնույնն է, Ձեր հարազատներն ու ընկերները կատարում են գնումներ, այս միջոցով կարող եք վստահ լինել, որ Ձեր նվիրած նվերը իրենց ճաշակով է եղել։ Մնում է միայն իմանալ սիրելի խանութի անունը, և վուալյա, նվերը պատրաստ է։
Նվեր տուփ
Նվեր տուփերը հարմար տարբերակ են մի քանի իրերի հավաքածու նվիրելու համար։ Կախված նախասիրություններից, կարող եք ընտրել թեյասերների համար տուփ, սուրճի կամ քաղցրավենիքի սիրահարների համար նախատեսված, և այլն։ Մենք ընտրել ենք խնամքի պարագաների նվեր տուփ, որովհետև խնամքը երբեք շատ չի լինում։
Բոնուս
Գիտենք, թե ինչքա՜ն նյարդայնացնող է, երբ ասում են`
-ոչինչ չեմ ուզում
Լավ իմանալով՝ որ, միևնույն է, նվիրելու ենք։ Ձեռք բերեք հումորային տուփ՝ լի «ոչինչով»։ Հավատացնում ենք` այլևս Ձեր հարցերը անպատասխան չեն մնա։
Իսկ եթե նա, ում նվիրելու եք արական սեռի ներկայացուցիչ է, ապա կարդացեք “Թոփ 7 նվերներ տղամարդկանց համար” հոդվածը։
